ٹیلی نار پاکستان کی ہواوے اور نوکیا سیمنز نیٹورک کے خلاف قانونی چارہ جوئی

 تفصیلات کے مطابق ٹیلی نار پاکستان اور ہواوے کے درمیان ایک معاہدے پر تنازعہ کی صورت میں ثالثی کے لیے عدالت سے رجوع کیا گیا ہے۔ معاہدے کی رو سے ہواوے نے اپریل 2011 سے ٹیلی نار پاکستان کی نیٹورک سروسز کا انتظام سنبھالنا تھا۔

یاد رہے کہ یہ وہی معاہدہ ہے جسکے تحت ٹیلی نار نے نیٹورک سیکیورٹی اور دیکھ بھال کا انتظام ہواوے کے سپرد کیا تھا۔

ٹیلی نار پاکستان کے وی پی کارپوریٹ افئیرز اینڈ سیکیورٹی عامر اظہارالحق نے پروپاکستانی  کو بذریعہ ای میل  اس بات کی تصدیق کی ہے کہ ٹیلی نار پاکستان نے نوکیا سیمنز نیٹورک اور ہواوے کے خلاف الگ الگ قانونی چارہ جوئی کی مہم شروع کر رکھی ہے۔ لیکن چونکہ معاملات فی الوقت عدالت میں ہیں لہذا ان پر تبصرہ نہیں کیا جاسکتا۔

یہاں یہ بات قابل ذکر ہے کہ ٹیلی نار پاکستان کی جانب سے حال ہی میں ذیڈ ٹی ای کے ساتھ 850 ملین ڈالر کا ایک معاہدہ کیا گیا ہے۔  ذیڈ ٹی ای نے اس کانٹریکٹ کے حصول کے لیے نوکیا سیمنز نیٹورک اور ہواوے کو شکست دی تھی۔

پروپاکستانی